81. சமநிலை எய்த உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

சமநிலை எய்த உரிமையுடன்-வேண்டுதல்.

பேருணர்வே, ஆழ்ந்த கவனக்குவிப்புடன் பிரார்த்திக்குமாறு பிரார்த்திக்க எனக்குக் கற்றுக்கொடு. பேருணர்வே, என் தியானத்தை பக்தியால் சமனப்படுத்து, என் பக்தியை உன்மேல் கொண்ட முழு-சரணாகத அன்பினால் தூய்மைப்படுத்து.

 

Translation: பரமஹம்ஸ தாசன் "Phd" Siva

Original: 
81 Demand for balance.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-100.htm

---

ஓம் தத் ஸத்

பிரம்மார்பணம் அஸ்து!         

89. செயலில் சாந்தத்தை நல்குமாறு உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

செயலில் சாந்தத்தை நல்குமாறு உரிமையுடன்-வேண்டுதல்.

இறைத்தந்தையே, சாந்தமான செயல்துடிப்புடனும், சுறுசுறுப்பான சாந்தத்துடனும் இருக்க எனக்குக்கற்பி. நான் சாந்தத்தின் இளவரசாக ஆகி, சமபாவனையெனும் அரியாசனத்தில் அமர்ந்து, செயல் ராஜ்ஜியத்தை ஆட்சிபுரிய வேண்டும்.  

 

Translation: பரமஹம்ஸ தாசன் "Phd" Siva

Original: 
89 Demand for calmness in activity.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-102.htm

---

ஓம் தத் ஸத்

பிரம்மார்பணம் அஸ்து!         

88. இறையின்பத்துடன் அனைத்தையும் போகிக்க உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

இறையின்பத்துடன் அனைத்தையும் போகிக்க உரிமையுடன்-வேண்டுதல்.

பேருணர்வே, என் உள்ளத்துக்குளே உன்னுடன் ரமித்திட எனக்குக்கற்பி; அதன்மூலம், லோகாயதக் கடமைகளை உன் ஆனந்தத்துடன் நான் செய்யவும், உலகைக் கொண்டாடவும் என்னால் முடியும். பேருணர்வே, எல்லா நல்லவைகளையும் போகிக்குமாறு என் புலன்களைப் பயிற்சி செய்ய எனக்கு உதவு. உலக இன்பங்களை உன் ஆனந்தத்துடன் ரமிக்க எனக்குக்கற்பி. என்னை விரக்தி மனப்பான்மையிலிருந்து காப்பாயாக.  

 

Translation: பரமஹம்ஸ தாசன் "Phd" Siva

Original: 
88 Demand for the enjoyment of everything with the joy of God.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-102.htm

---

ஓம் தத் ஸத்

பிரம்மார்பணம் அஸ்து!         

134. எல்லா செயல் சாளரங்களின் வழியேயும் உன்னை நான் காணுமாறு எனக்கருள்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

எல்லா செயல் சாளரங்களின் வழியேயும் உன்னை நான் காணுமாறு எனக்கருள்.

ஆனந்தமாய்ச் செய்யும் எல்லா செயல் சாளரங்களின் வழியேயும் உன்னை நான் காணுமாறு எனக்கருள். நான் என் கடமைகளை நிறைவேற்றப் பணிபுரியும் போது, நீ என்னை நோக்கிப் பார்த்து, என்னை எப்போதும் ஊக்குவிக்க வேண்டும். விழிப்பு, உறக்கம், கனவு என என் ஒவ்வொரு காரியமும் உன் சாந்நித்தியத்தினால் நிறைந்திருக்கட்டும். 

 

Translation: பரமஹம்ஸ தாசன் "Phd" Siva

Original: 
134 Bless me, that I may perceive Thee through the windows of all activities.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-122.htm

---

ஓம் தத் ஸத்

பிரம்மார்பணம் அஸ்து!         

107. மாயத்திரையை விலக்க உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

மாயத்திரையை விலக்க உரிமையுடன்-வேண்டுதல்.

இறைத்தந்தையே, என்னைச்சுற்றிலும் ஆவரணத்திரைகள் உன்னை என்னிடமிருந்து மூடிமறைக்கின்றன. செவ்வந்திப்பூக்கள், ரோஜாப்பூக்கள், சுடரும் பொன்னிற மேகங்களாலான அழகிய திரைகளை நான் விரும்பி ரசிக்கின்றேன். விண்மீன்-அலங்கரித்த, கருமையான இரவுத்திரைக்குப் பின்னால் நீ எவ்வளவு காலந்தான் மறைந்திருப்பாய்? உன் திரைகளை நான் விரும்புகிறேன், ஏனெனில் அவை உன்னை மறைத்தபோதிலும், நீ உள்ளதையும் குறிப்பால் உணர்த்துகின்றது. ஆயினும், நான் எந்தவித வெளிப்புற திரைகளும் இன்றி - உன்னை உள்ளபடி பார்க்க விரும்புகின்றேன்.

 

Translation: பரமஹம்ஸ தாசன் "Phd" Siva

Original: 
107 Demand for removal of the veil of illusion.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-110.htm

---

ஓம் தத் ஸத்

பிரம்மார்பணம் அஸ்து!         

106. உடனடித்தேவையை பூர்த்திசெய்ய உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

உடனடித்தேவையை பூர்த்திசெய்ய உரிமையுடன்-வேண்டுதல்.

இறைத்தந்தையே, என் நிரந்தர உடைமைகளில் அல்ல என் கவனம்; நான் வேண்டுவதெல்லாம் என் அன்றாடத் தேவைகளை இச்சா சக்தியால் பூர்த்திசெய்து கொள்ளும் மன வல்லமையே. அதனை எனக்கருள்!

 

Translation: பரமஹம்ஸ தாசன் "Phd" Siva

Edited by: V.R. Ganesh Chandar

Original: 
106 Demand for an immediate need to be supplied.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-110.htm

---

ஓம் தத் ஸத்

பிரம்மார்பணம் அஸ்து!         

84. தினந்தோறும் இறை வழிகாட்டுதலை வேண்டிச் செய்யும் சிறப்புப் பொது பிரார்த்தனை.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

தினந்தோறும் இறை வழிகாட்டுதலை வேண்டிச் செய்யும் சிறப்புப் பொது பிரார்த்தனை.

தந்தையே, தாயே, நண்பனே, பிரியமான கடவுளே, நான் பகுத்தறிவேன், நான் இச்சை கொள்வேன், நான் செயல்புரிவேன்; ஆனால், நீ என் பகுத்தறிவை, இச்சையை, செயலை நான் செய்யவேண்டிய நற்காரியங்களுக்காக வழிநடத்து.

 

Translation: பரமஹம்ஸ தாசன் "Phd" Siva

Original: 
84 Special universal daily demand for divine guidance.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-102.htm

---

ஓம் தத் ஸத்

பிரம்மார்பணம் அஸ்து!         

119. என் சோகத்தின் எரிந்த சாம்பலுக்குள் மறைந்துள்ள உன் பொன்மய சாந்நித்தியத்தை நான் தேடிக் கண்டுகொண்டேன்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

என் சோகத்தின் எரிந்த சாம்பலுக்குள் மறைந்துள்ள உன் பொன்மய சாந்நித்தியத்தை நான் தேடிக் கண்டுகொண்டேன்.

இறைத்தந்தையே, என்னை அமைதியாலே புறக்கணிக்காதே. நீயில்லாமல் நான் மட்டும் தனியே வாடி நிற்கின்றேன். நான் என் வேலையில் மூழ்கிச் சிறைப்பட்டு, உன்னை மறக்கும்படி ஆகாமல் செய். என்னுள்ளே உள்முகமாகச் சென்று, நான் உன்னை வெளிக்கொணர்வேன். என்னை எங்கே இருத்தியிருக்கின்றாயோ, அங்கேயே நீ வந்தருள வேண்டும். என் சோகத்தின் எரிந்த சாம்பலுக்குள் மறைந்துள்ள உன் பொன்மய சாந்நித்தியத்தை நான் தேடிக் கண்டுகொள்வேன். 

Translation: பரமஹம்ஸ தாசன் "Phd" Siva

Original: 
119. Hidden in the ashes of burnt sadness, I found Thy Golden Presence.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-116.htm

---

ஓம் தத் ஸத்

பிரம்மார்பணம் அஸ்து!         

122. என் ஆன்ம-பசியைத் திருப்திப்படுத்து.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

என் ஆன்ம-பசியைத் திருப்திப்படுத்து.

சர்வ வியாபகப் பேருணர்வே, உன் உற்சாகமூட்டும் எண்ணத் தென்றல் என் இதயத்தின் மூடுமேகங்களை விலக்கியது. என் மனவெளி இப்போது தெளிவாக உள்ளது; நிர்மலமாக்கப்பட்ட தூய ஆன்மாவினால், நான் உன்னை மட்டுமே எங்கும் காண்கின்றேன். உன் ஆனந்தத்தின் கதிரொளி வேகமாகப் பரவி, என் இருப்பின் அடி ஆழத்தைத் தொடுகின்றது. காலங்காலமாய் பசியினால் வாடிய நான், உன் ஒளியமுதினை மனதார அருந்துகின்றேன். உன் கருணையாலும், என் நிலையான விழிப்புணர்வாலும், அத்தகைய ஆனந்தம் என்றென்றும் எனதாகவே ஆகட்டும். 

 

Translation: பரமஹம்ஸ தாசன் "Phd" Siva

Original: 
122 Satisfy my soul-hunger.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-118.htm

---

ஓம் தத் ஸத்

பிரம்மார்பணம் அஸ்து!         

132. இருமை நோய்வயப்பட்ட என் ஈனப் பார்வையை குணமாக்கு.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

இருமை நோய்வயப்பட்ட என் ஈனப் பார்வையை குணமாக்கு.

வெகுகாலமாய் இருமை நோய்வயப்பட்ட என் ஈனப் பார்வையினால் நான் அவதிப்பட்டுக் கொண்டிருக்கின்றேன். எல்லாப்புறங்களிலும், உன் இருப்பின் ஜீவத்துடிப்பை சத்தில்லாத பொருட்கள் விகாரமாக்கி பங்கப்படுத்துகின்றது. ஞானக்கண்களால் உன் இருப்பை மட்டுமே எங்கும் நான் காணுமாறு, நீ என் பார்வையை குணமாக்குவாயா?

 

Translation: பரமஹம்ஸ தாசன் "Phd" Siva

Original: 
132 Cure my jaundiced vision of duality.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-120.htm

---

ஓம் தத் ஸத்

பிரம்மார்பணம் அஸ்து!         

83. கடவுள்மேலுள்ள அன்பு, சோதனைகளாலும் இடர்ப்பாடுகளாலும் எப்போதும் மங்காதிருக்க உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

கடவுள்மேலுள்ள அன்பு, சோதனைகளாலும் இடர்ப்பாடுகளாலும் எப்போதும் மங்காதிருக்க உரிமையுடன்-வேண்டுதல்.

பேருணர்வே, எல்லாத் துயரங்களும் என்னை வந்தடைந்தாலும், எல்லா பொருட்களும் என்னைவிட்டுப் போனாலும் நான் வருந்தமாட்டேன்; நான் வேண்டுவதெல்லாம் இது ஒன்றே: உன்மேலுள்ள என் அன்பு என் அக்கறையின்மையால் எப்போதும் மங்காமல் இருக்கவேண்டும். உன்மேலுள்ள என் அன்பு, என் ஞாபகசக்தி பீடத்தில் என்றும் சுடர்ந்துகொண்டே இருக்கட்டும்.  

 

Translation: பரமஹம்ஸ தாசன் "Phd" Siva

Original: 
83 Demand that the love of God may never fade, through tests and trials.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-102.htm

---

ஓம் தத் ஸத்

பிரம்மார்பணம் அஸ்து!         

202. என் பார்வையை உன்மீதன்றி வேறெந்தபக்கத்திலும் செலுத்தமாட்டேன். ஆரோக்கியம்-நோய் ஆகிய இருமைகள் கனவென்று நான் அறியுமாறு செய்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

என் பார்வையை உன்மீதன்றி வேறெந்தபக்கத்திலும் செலுத்தமாட்டேன். ஆரோக்கியம்-நோய் ஆகிய இருமைகள் கனவென்று நான் அறியுமாறு செய்.

நான் ஓர் புனித சபதம் செய்கின்றேன்! என் அன்பின் பார்வையை உன் இடையறாத நினைப்பின் தொடுவானத்தில் இருந்து ஒருபோதும் கீழ்நோக்கிச்  செலுத்தமாட்டேன். என் மேனோக்கிய கண்களின் காட்சியை ஒருபோதும் கீழிறக்க மாட்டேன்; அதனை உன் மேலல்லாது வேறெதன்மேலும் வைக்க மாட்டேன்! என் மனதை ஒருக்காலும் உன்னை நினைவுறுத்தாத எதனை நோக்கியும் திருப்பமாட்டேன்! கெட்டகனவு போன்ற அறியாமை தீண்டிய செயல்களினை நான் வெறுப்பேன். நற்காரிய சாதனைக் கனவுகளை நான் நேசிப்பேன். அனைத்து நல்லவைகளின் கனவுகளையும் நான் நேசிப்பேன், ஏனெனில் அவை உன் கனவுகள் என்பதால்.

நான் பல கனவுகளைக் காண்பேன், ஆனால் நான் உன்னில் விழிப்புற்று எக்கணமும் உன்னையே நினைத்திருப்பேன். என் ஆன்மபீடத்தில் எரியும் புனித வேள்வித்தீயான இடையறாமல் தொடரும் நினைவில், நான் உன் திருமுகத்தை என்றும்-விழித்திருக்கும் என் அன்பின் கண்களினால் தொடர்ந்து தரிசிப்பேன். 

உன் கருணையால், ஆரோக்கியம்-நோய், வாழ்வு-சாவு ஆகியவை கனவென்று நான் அறிகிறேன். என் நல்ல கனவுகளின் கனவு-கதை முடிவுற்று, பிரபஞ்ச ஓவியம் வரையப்பட்ட மாயத்திரைக்குப் பின்னால் விழிப்புறும்போது, நீ மட்டுமே ஒரே பேருண்மை எனக் கண்டுணர்வேன். 

Translation: பரமஹம்ஸ தாசன் "Phd" Siva

Original: 
202. I shall ne'er turn my gaze away from Thee. Make me see that health and sickness both are dreams.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-176.htm

---

ஓம் தத் ஸத்

பிரம்மார்பணம் அஸ்து!         

143. உனக்காக ஏங்குவதைக் கற்கவே நான் பிரபஞ்சத்திலுள்ள சகலத்தையும் விரும்பியுள்ளேன்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

உனக்காக ஏங்குவதைக் கற்கவே நான் பிரபஞ்சத்திலுள்ள சகலத்தையும் விரும்பியுள்ளேன்.

நான் எல்லாவற்றையும் இழக்க நேர்ந்தாலும், இருளில் கிடந்து உழன்றாலும் [எனக்குக் கவலையில்லை; ஆனால்], அன்னை பராசக்தியே, உன் ஞாபகமாக எரியும் என்னுடைய சிறு விளக்கு, அவநம்பிக்கைக் காற்றால் அணைக்கப்படாமல் பார்த்துக்கொள், [அது போதும்]! நான் பிரபஞ்சத்திலுள்ள அனைத்தையும் விரும்பிக் கண்டுகொண்டது யாதெனின் உனக்காகத்தான் நான் உண்மையில் ஏங்கியுள்ளேன் என்பதுதான். வா! என்னுடனே எப்போதும் இரு! 

Translation: பரமஹம்ஸ தாசன் "Phd" Siva

Edited by: V.R. Ganesh Chander

Original: 
143 I loved all things, that I might learn to crave Thee only.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-128.htm

---

ஓம் தத் ஸத்

பிரம்மார்பணம் அஸ்து!         

141. நான் தெய்வமாதாவின் விஷமக் குழந்தையாக ஆவேன்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

நான் தெய்வமாதாவின் விஷமக் குழந்தையாக ஆவேன்.

மலைகள், பெரு நீர்வீழ்ச்சிகள், வனப்பான காட்சி என இவைகளால் அலங்கரிக்கப்பட்ட வாழ்க்கை அரங்கத்தில், நான் வெகுகாலமாக விளையாடிக் கொண்டிருக்கின்றேன். விளையாட்டில் சோர்வுற்று, நான் உனக்காக அழும்போதெல்லாம், என் ஆசை ஜன்னல்வழியாக புதிதாகப் புகழ், நண்பர்கள், செழுமை எனும் பொம்மைகளைக் கொடுத்து என்னை அமைதிப்படுத்தி விடுவாய்.

இப்போது, இந்த முறை, தெய்வ மாதா, நான் உன் விஷமக் குழந்தையாக ஆவேன். நான் தொடர்ந்து இடையறாமல் அழுவேன். பூலோக இன்ப பொம்மைகள் என் அழுகையை இனி நிறுத்த முடியா. தெய்வ மாதா, நீ விரைவாக வந்துவிடு; இல்லையேல் நான் அகிலப் பிரபஞ்சத்தையும் என் கதறலினாலே எழுப்பிவிடுவேன். உன் அனைத்து உறங்கும் குழந்தைகளும் எழுந்து என்னுடன் சேர்ந்து கூக்குரலிடுவார்கள். உன் பிரபஞ்ச வீட்டுவேலையை சற்று விட்டு ஒதுக்கு! என்னைக் கவனி.  நான் உரிமையுடன் வேண்டுவது உன்னை மட்டுமே, விளையாட்டுப் பொருள்களையல்ல! 

 

Translation: பரமஹம்ஸ தாசன் "Phd" Siva

Original: 
141. I will be the naughty baby of the Divine Mother.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-128.htm

---

ஓம் தத் ஸத்

பிரம்மார்பணம் அஸ்து!         

102. உன் ஒளியைப் பெற உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

உன் ஒளியைப் பெற உரிமையுடன்-வேண்டுதல்.

இறைத்தந்தையே, உன் கருமையான அமைதிக்கோட்டையைத் துளைக்க, நான் இங்கு உன் முன்னால் என் பிரார்த்தனை ஈட்டிகளை மீண்டும் மீண்டும்  அதை நோக்கி வீசுகின்றேன். உனக்காக ஏங்கும் என் ஏக்க தாபங்களெனும் பீரங்கிக் குண்டுகள் ஒன்றன்பின் ஒன்றாக தொடர்ந்து எறியப்பட்டு, என் அறியாமை மற்றும் தியக்க மோகங்களினாலான மதில்சுவர்களைத் தகர்க்கட்டும். என் தன்மையை உள்ளபடி வெளிச்சம்காட்டும் உண்மையான ஞானமெனும் தண்டுவிளக்கொளியை என்மீது பாய்ச்ச நான் உன்னை அழைக்கின்றேன். அதன்மூலம் உடைந்த என் அறியாமைக் கோட்டையில் நான் உன்னைத் தேடியடையமுடியும்.  

 

Translation: பரமஹம்ஸ தாசன் "Phd" Siva

Original: 
102 Demand for Thy Light.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-106.htm

---

ஓம் தத் ஸத்

பிரம்மார்பணம் அஸ்து!         

104. எல்லோரும் என் சாந்தமான நீழலில் தங்கி ஓய்வெடுக்கட்டும்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

எல்லோரும் என் சாந்தமான நீழலில் தங்கி ஓய்வெடுக்கட்டும்.

உன் அன்பின் தென்றல்காற்று என்னுள் கலந்ததனால், இறைத்தந்தையே, உன் வருகையை எதிர்நோக்கி என் வாழ்க்கை மரமானது மெதுவாக தனது இலைகளை உன்னை வரவேற்பதுபோல் அசைக்கின்றது. என் ஆன்ம இலைகள் தற்சமயம் விழித்துக் கொள்கின்றன. அவைகள் ஒன்றோடொன்று உரசும் சப்தம், காற்றில் மிதந்துவந்து, களைத்து நைந்துபோனவர்களை உன்னிடமிருந்து பெற்ற என் சாந்தமான நீழலில் தங்கி ஓய்வெடுக்குமாறு அழைக்கின்றது. 

 

Translation: பரமஹம்ஸ தாசன் "Phd" Siva

Original: 
104 Let all rest in the shade of my peace.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-108.htm

---

ஓம் தத் ஸத்

பிரம்மார்பணம் அஸ்து!         

108. கடவுளை எல்லாவற்றிலும் பார்க்க உரிமையுடன்-வேண்டுதல்.

ஓம் விக்னேஸ்வராய நம: 

ஸ்ரீ குருப்யோ நம:

ஓம் நமோ பகவதே ஸ்ரீ பரமஹம்ஸ யோகானந்தாய சத்குரவே  நம:

கடவுளை எல்லாவற்றிலும் பார்க்க உரிமையுடன்-வேண்டுதல்.

இறைத்தந்தையே, மேலும், கீழும், பின்புறத்திலும், சுற்றிலும், எங்கெங்கு என் பார்வை நோக்கினும் நான் உன்னையே காணவேண்டும்! என் புலன்-குழந்தைகளை உன் வீட்டிலிருந்து வெளியேறிச் சுற்றாமலிருக்கப் பழக்கு.  என் கண்களை அகத்தே திருப்பி, பொழுதோறும் புதிய தோற்றம் கொள்ளும் உன் அழகைப் பார்க்கச் செய்; என் காதுகளை எவரும்-கேட்காத உன் கானத்தைக் கேட்கப் பழக்கு. நான் உனது பரிமளமான இருப்பினால் வீசும் சுகந்தமணத்தை நுகர்வேன்.  கிழக்கத்திய வழக்கத்தின்படி, நான் எனது ஐந்துபுலன்களை உன் பீடத்தில் ஐந்து விளக்குகளாய் ஏற்றி உன்னை வழிபடுவேன். அதன் பிரகாரமே, விடியற்காலையின் அரும்பும் வெளிச்சம் துலங்கியதும், பிரகாசமான பகல் பொழுதிலும், மறைவாக ஒளிரும் அந்திசாயும் நேரத்திலும், வெள்ளி நிலா வெளிச்சத்திலும், உன்னை நாடி உன் முன்னிலையில் எப்போதும் என் அன்பின் ரகசிய ஒளி விளக்கை ஏற்றுவேன்.        

 

Translation: பரமஹம்ஸ தாசன் "Phd" Siva

Original: 
108 Demand for seeing God in everything.
Whispers from Eternity 1929 - Sri Paramhansa Yogananda

http://www.joytoyou.com/wfe29/wfe29-p-110.htm

---

ஓம் தத் ஸத்

பிரம்மார்பணம் அஸ்து!